Hagar hf.: Niðurstöður aðalfundar hf. 27. maí 2025

Ársreikningur félagsins fyrir liðið starfsár, ásamt skýrslu endurskoðanda, var lagður fram og samþykktur samhljóða.

Tillaga stjórnar Haga hf. um greiðslu arðs sem nemur 50,0% hagnaðar ársins, án áhrifa matsbreytinga og afkomu hlutdeildarfélaga, eða 2,28 krónur á hlut útistandandi hlutafjár, samtals 2.504 milljónir króna, var samþykkt samhljóða. Arðsréttindadagur verður 30. maí 2025, arðleysisdagur 28. maí 2025 og arðgreiðsludagur 5. júní 2025.

Tillaga stjórnar um breytingu á grein 3.18 í samþykktum félagsins, um dagskrá aðalfundar, var samþykkt samhljóða. Breytingin var eftirfarandi, þar sem viðbætur eru feitletraðar:

Tillaga stjórnar Haga hf. um 3,5% hækkun stjórnarlauna var samþykkt, þ.e. stjórnarformaður fær greitt kr. 826.000,- á mánuði, varaformaður kr. 608.000,- á mánuði og stjórnarmenn kr. 413.000,- á mánuði. Samþykkt var að laun í endurskoðunarnefnd hækki og verði kr. 110.000,- á mánuði og að laun formanns verði tvöföld upphæð. Laun í starfskjaranefnd hækka og verða kr. 95.000,- á mánuði og laun formanns verða tvöföld upphæð. Þá var samþykkt að nefndarmönnum tilnefningarnefndar verði greitt skv. reikningi 27 þús. kr. pr./klst.

Tillaga stjórnar um óbreytta starfskjarastefnu var samþykkt samhljóða.

Samþykkt var samhljóða tillaga stjórnar Haga að þrír eftirtaldir fulltrúar verðir kjörnir í tilnefningarnefnd félagsins.

Eftirtaldir aðilar voru kosnir í stjórn félagsins til næsta aðalfundar:

Fimm voru í framboði til stjórnar félagsins og var því sjálfkjörið. Fjórir af frambjóðendum skipuðu áður stjórn félagsins.

Samþykkt var samhljóða að endurskoðunarskrifstofan PricewaterhouseCoopers ehf., kt. 690681-0139, verði endurskoðandi félagsins fyrir komandi rekstrarár.

Fyrir aðalfundi lá tillaga frá stjórn Haga hf. um að Hannes Ágúst Jóhannesson, löggiltur endurskoðandi, yrði kosinn sem utanaðkomandi nefndarmaður í endurskoðunarnefnd. Var tillaga stjórnar samþykkt samhljóða.

Fyrir aðalfundi lá tillaga frá stjórn Haga hf. um að félaginu verði heimilt að kaupa á næstu 18 mánuðum allt að 10% af heildarhlutafé félagsins, í þeim tilgangi að koma á viðskiptavakt með hluti í félaginu í skilningi laga um markaði fyrir fjármálagerninga eða vegna endurkaupaáætlana eða verðjöfnunar í skilningi reglugerðar Evrópuþingsins og ráðsins (ESB) nr. 596/2014, um markaðssvik, sbr. lög um aðgerðir gegn markaðssvikum. Tillagan var samþykkt samhljóða.

Viðhengi